Prokuroria Themelore e Prishtinës, i ka pushuar hetimet ndaj 12 zyrtarëve të Administratës Tatimore të Kosovës.
Kjo u konfirmua nga organi i akuzës.
Prokuroria thekson se hetimet do të vazhdojnë vetëm ndaj operatorëve biznesorë.
Zyrtarët e ATK-së ishin arrestuar vitin e kaluar nën dyshimin se kishin dëmtuar buxhetin e shtetit për 2.8 milionë euro.
Dyshohet se biznesmeni F.P, kishte pranuar 23 fatura fiktive nga B.B dhe B.B.
Vlera e faturave kap shifrën e 18 milionë eurove.
Lidhur me rastin ishin deklaruar edhe drejtuesit e Administratës Tatimore të Kosovës.
