Ndërsa kryeministri izraelit Benjamin Netanyahu po mbante fjalim në Asamblenë e Përgjithshme të OKB-së, rrugët e New Yorkut u mbushën me protesta masive pro-palestineze.
Protestuesit akuzuan Izraelin për vrasjen e mijëra civilëve në Rripin e Gazës, duke mbajtur pankarta me mbishkrime si: “Djalli është këtu”, “Hiqni rrethimin”, “Gaza do të jetë e lirë” dhe “Arrestoni Netanyahun”. Gjatë marshimit, ata brohorisnin vazhdimisht: “Gaza e lirë, Palestina e lirë”.
Grupi protestues gjithashtu i bëri thirrje ish-presidentit të SHBA-së, Donald Trump, që të mos mbështesë më Netanyahun dhe veprimet e tij.
Ndërkohë, brenda sallës së OKB-së, disa diplomatë u larguan në shenjë proteste teksa Netanyahu nisi fjalimin e tij. Ai mohoi akuzat për gjenocid në Gaza dhe mbrojti veprimet ushtarake të Izraelit, duke i quajtur ato “legjitime”.
Fjalimi i Netanyahut u shoqërua me fishkëllima dhe reagime të ashpra nga të pranishmit.
🚨BREAKING: During UN walkout thousands of New Yorkers are taking to the streets demanding an end to the genocide in Palestine and calling for the arrest of war criminal Netanyahu. pic.twitter.com/SLl2bOdlxe— The People's Forum (@PeoplesForumNYC) September 26, 2025
