Protestuesit në Sri Lanka kanë hyrë në rezidencën private të kryeministrit dhe i kanë vënë flakën, disa orë pasi ai tha se do të jepte dorëheqjen për krizën e thelluar ekonomike të vendit, shkruan Sky Neës.
Si presidenti ashtu edhe kryeministri i Sri Lankës kanë dhënë dorëheqjen pasi protestuesit sulmuan qarkun qeveritar në Colombo për krizën më të keqe ekonomike që ka goditur ndonjëherë Sri Lankën, shkruan Sky Neës.
Rajapaksa emëroi Ëickremesinghe si kryeministër në maj me shpresën se politikani do të përdorte diplomacinë dhe kontaktet e tij për të ringjallur një ekonomi të rrënuar. Por durimi i njerëzve u zbeh pasi mungesa e karburantit, ilaçeve dhe gazit vetëm sa u rritën dhe rezervat e naftës u shteruan.
Shumë protestues e akuzojnë Ëickremesinghe-n se po përpiqej të shpëtonte Rajapaksa-n kur u vu nën presion për të dhënë dorëheqjen, pasi çdo anëtar tjetër i dinastisë së tij të fuqishme politike kishte lënë kabinetin.
Ekonomia e Sri Lankës është në një gjendje kolapsi, duke u mbështetur në ndihmën nga India dhe vendet e tjera, ndërsa udhëheqësit e saj përpiqen të negociojnë një paketë shpëtimi me Fondin Monetar Ndërkombëtar.
Trazirat kanë çuar në muaj protestash, të cilat pothuajse kanë çmontuar dinastinë politike Rajapaksa që ka sunduar Sri Lankën për shumicën e dy dekadave të fundit.
