Qeveria e Kosovës sot ka ndarë rreth 305 mijë euro mjete shtesë për strehimin e gazetarëve ukrainas dhe afganë, të cilët janë duke qëndruar në Kosovë.
Gjatë mbledhjes së Qeverisë së Kosovës, ministri i Financave Hekura Murati tha se këto mjete do të merren nga shpenzimet e paparashikuara.
“Kemi të bëjë me një kërkesë të MPJD-së që të ndahen mjete shtesë rreth 305.710 euro për vitin fiskal 2023, për mbështetje financiare të gazetarëve afgan dhe ukrainas të cilët janë të strehuar në Kosovë. Mjetet buxhetore merren nga shpenzimet e paparashikuar, kategoria rezervë dhe transferohen në MPJD”, ka thënë ministri Murati.
