Nga 1 janari qytetarët e Kosovës do të mund të lëvizin pa viza në zonën Shengen.
Në mënyrë që të menaxhohet trendi i lëvizjes së qytetarëve, Qeveria e Kosovës, ka marrë vendim që ta themelojë Mekanizmin e Paralajmërimit të Hershëm.
“Ky mekanizëm në përbërje është ndërinstitucional dhe ka për qëllim të analizojë trendet e lëvizjeve migratore pas liberalizimit dhe të analizojë të dhënat dhe të rekomandojë marrjen e masave që procesi të menaxhohet suksesshëm”, është shprehur zëvendësministri i Brendshëm, Bardhyl Dobra para miratimit të vendimit.
