Kompania Rajonale e Ujësjellësit “Prishtina” ka bërë të ditur se qyteti i Drenasit është pa furnizim me ujë të pijshëm.
Në një njoftim të lëshuar për media thuhet se kjo ndodhi për shkak se është turbulluar uji në kanalin e Ibër-Lepencit.
“Për shkak të punimeve teknike nga kompania e kontraktuar nga ‘Ibër-Lepenci’ në kanalin e Ibër Lepencit dhe turbullirës së krijuar, Drenasi është pa furnizim me ujë të pijshëm”, thuhet në njoftim.
Ujësjellësi “Prishtina” shton se deri në njoftimin e radhës qytetarët do të mbeten të informuar.
