Kryeministri Edi Rama, i shoqëruar nga bashkëshortja e tij, Linda Rama kanë ushtruar të drejtën e votimit, në qendrën e votimit në Surrel.
Rama pas votimit ka dhënë një deklaratë për mediat duke thënë se sot është një ditë e rëndësishme dhe të gjithë duhet të dalin në votime.
“Sot është një ditë shumë e bukur, një diell fantastik dhe sot është dita që sot mos ushqejmë asnjë ndjenjë negative ndaj askujt që me votën e vetë shpreh një opinion tjetër. Mos të harrojmë sot dhe asnjëherë se jemi një familje e madhe në të njëjtin atdhe. Askush mos harrojë se demokracia është një sport pa spektator dhe secili duhet të zbresë vetë në fushë dhe të gjuajë me votë. Kështu që zbrisni në fushë, gjuajeni penalltinë tuaj dhe fitoftë më i miri“, tha Rama.
Më herët kanë ushtruar të drejtën e votës dhe Presidenti Meta, kreu i opozitës Basha, si dhe liderët e tjerë të politikës.
