Kryetari i Partisë për Liri, Drejtësi dhe Mbijetesë, Nenad Rashiq, u ka bërë thirrje qytetarëve serbë që kanë dokumente të Kosovës, por nuk jetojnë më këtu, që të mos i shesin votat.
Ai ka apeluar që për 50 euro të mos shitet vota për Listën Serbe, duke e cilësuar një veprim të tillë si dëm për komunitetin.
“Ata që për arsye të ndryshme nuk jetojnë më në Kosovë, por i kanë dokumentet e Kosovës, u lutem, do të jem pak më i rreptë, por po them ‘mos ia shitni shpirtin shejtanit për 50 euro’. Ato 50 euro që ju i merrni do të thotë katër vjet të vështirë për ne. Për atë arsye, nëse vini të votoni Listën Serbe për 50 euro, mos ejani fare. Përndryshe, çdo ditë tjetër jeni të mirëseardhur të jeni miqtë tanë dhe familjarët e të afërmit tanë. Gjithashtu ju presim me padurim të gjithë ata që doni të ktheheni në Kosovë, por ju lus mos ia shkatërroni jetën atyre që kanë dëshirë të jetojnë këtu dhe jetojnë këtu për arsye tjetër”, ka deklaruar Rashiq.
