Ministria për Familje ka mbajtur një konferencë për media lidhur me rastin e 5vjeçarit nga Janjeva e Lipjanit, i cili dyshohet se është keqtrajtuar nga prindërit e tij.
Blerim Shabani nga kjo ministri ka thënë se është kërkuar raport i hollësishëm lidhur me trajtimin dhe menaxhimin e rastit. Ai tha se çështja e trajtimit dhe menaxhimit të rastit është një çështje e kompetencës së komunës, më saktë e Qendrës për Punë Sociale në kuadër të komunës.
Shabani shtroi se kanë ofruar pëlqimin për vendosjen e fëmijëve në strehim familjar në familjet që janë të vlerësuara dhe të aprovuara që ofrojnë shërbime për fëmijët pa përkujdesje dhe për autorizimin për njësinë inspektuese, e cila në bazë të autorizimeve që ia jep ligji i shërbimeve sociale dhe familjare ka filluar procesin e vlerësimit të rrethanave mbi përmbushjen e detyrimeve sa i përket çështjeve të menaxhimit të rastit në fjalë.
“Ne kemi kërku një raport të hollësishëm lidhur me trajtimin, menaxhimin e rastit dhe kemi autorizuar edhe njësinë inspektuese në kuadër të Ministrisë tonë. Çështja e trajtimit dhe menaxhimit të rastit është një çështje e kompetencës së komunës, për sa i përket ofrimit të shërbimeve sociale dhe familjare, më saktë e Qendrës për Punë Sociale në kuadër të komunës.
Ne kemi ofruar pëlqimin për vendosjen e fëmijëve në strehim familjar në familjet që janë të vlerësuara dhe të aprovuara që ofrojnë shërbime për fëmijët pa përkujdesje dhe për autorizimin për njësinë inspektuese, e cila në bazë të autorizimeve që ia jep ligji i shërbimeve sociale dhe familjare ka filluar procesin e vlerësimit të rrethanave mbi përmbushjen e detyrimeve sa i përket çështjeve të menaxhimit të rastit në fjalë”, tha Shabani në një konferencë për media./
