Federata e Futbollit e Kosovës të martën ka publikuar vendimet e Komisionit për Ankesa, lidhur me ankesat e bëra nga Ulpiana dhe Vllaznia e Pozheranit.
Për shkak të kurdisjes, të dy skuadrat janë larguar nga Liga e Parë e Kosovës në futboll. Ulpiana e Lipjanit dhe Vllaznia e Pozheranit kanë paraqitur ankesë në vendimin e Disiplinorit, por ankesat e tyre janë refuzuar.
Komisioni për Ankesa ka vërtetuar vendimet e Disiplinorit dhe kështu Ulpiana e Vllaznia bien në rangun e tretë të futbollit kosovar për edicionin e ardhshëm.
