Kryetari i Asociacionit të Gazetarëve të Kosovës, Xhemajl Rexha, ka thënë se të gjithë gazetarët bashkë me të kanë arritur që të largohen nga Zveçani.
Ai, me anë të një postimi në rrjetin social Facebook, ka deklaruar se ata i ka ndihmuar pronari serb i kafenesë ku ishin të ngujuar për tri orë.
“Pas 3 orësh ngujim afër ndërtesës së komunës, me gjuajtje të vazhdueshme të mjeteve të ndryshme jashtë, më në fund të gjithë gazetarët kanë arritur të largohen nga Zveçani dhe jemi të sigurt”.
“E kjo u bë e mundur vetëm falë pronarit serb të kafenesë që u sigurua të na përcjellë të gjithëve deri te veturat tona, afër stacionit të policisë”, ka shkruar Rexha.
