Pas një stuhie të madhe që përfshiu Shqipërinë mesditën e së shtunës, fluturimet në Aeroportin e Rinasit kanë rinisur, pasi u ndërprenë për disa minuta.
Sipas Aeroportit, pezullimi ka zgjatur veç 30 minuta.
“Mot i keq ka ndikuar përkohësisht në operacionet e Aeroportit ‘Nënë Tereza’ në Rinas. Megjithatë, aeroporti konfirmon se puna ka vijuar normalisht pas një pezullimi prej vetëm 30 minutash për sigurinë e pasagjerëve. Fluturimet janë rikthyer në ritmin e tyre të zakonshëm dhe në këtë moment, po realizohen ulje avionësh me destinacione në vendet fqinje”, thuhet në reagim.
