Sipas, ministres në detyrë të Ekonomisë, Artane Rizvanolli, “është e vështirë të shpjegohet shpenzimi i rrymës në muajt e verës”, përveç aludimeve që ka se “dikush mund të prodhojë drogë dhe kriptovaluta”.
Reagimi i saj vije në kohën kur të gjithë qytetarët janë thellë të indinjuar me paralajmërimet për shtrenjtimin e rrymës.
“Është shumë vështirë të shpjegohet, veçanërisht përgjatë muajve të verës dhe të pranverës. Gjatë dimrit mund të thuash që një shtëpi e madhe me pishinë nëse nxehet gjatë gjithë kohës, i shpenzon kaq. Mirëpo përgjatë muajve të tjerë me të vërtetë është vështirë për ta shpjeguar, përveç ndoshta kryptovalutave ose prodhimit të drogës, apo prodhim tjetër që nuk është ilegal, por që është informal”, u shpreh Rizvanolli në emisionin CONTEXT në ATV.
