Kosova ka shënuar fitore të thellë në ndeshjen e rëndësishme ndaj Qipros, duke e ruajtur vendin e dytë në Grupin 3 të Ligës C në Ligën e Kombeve.
“Dardanët” triumfuan 5:1 ndaj qipriotëve në stadiumin “Fadil Vokrri” në Prishtinë.
Kapiteni i Kombëtares kosovare, Amir Rrahmani pas ndeshjes u shpreh i lumtur për fitoren, ndërsa tregoi edhe për lëndimin e tij.
“Nuk kam qenë njëqind për qind i gatshëm. Lëndimi është pak i ndjeshëm, por shkoi gjithçka mirë. Jam shumë i kënaqur për fitoren, ka shumë vend për përmisime, shpresoj që në ndeshjet e ardhshme t’i përmisojmë. Problem na kanë sjell shumë kundërsulmet sot”, tha për Klan Kosova kapiteni Rrahmani.
