Një avion me 133 pasagjerë në bord është rrëzuar në Kinë, i cili i përket kompanisë China Eastern Airlines.
Avioni që transportonte 133 pasagjerë nga Kunming në Guangzhou pësoi një aksident në rajonin e Guangxi dhe shkaktoi zjarr në male, njoftoi televizioni shtetëror kinez.
Në rrjetet sociale po qarkullojnë video që dyshohet se tregojnë se në vendin e përplasjes ka rënë zjarr.
Avioni i përfshirë në aksident ishte Boeing 737 dhe numri i viktimave nuk dihet ender, tha CCTV. Ekipet e shpëtimit ndodhen në vendngjarje.
