Derisa jemi në pritje të zyrtarizimit të Lionel Messit si lojtar te Paris Saint-Germaini, në rrjetet sociale janë publikuar disa imazhe të tij me fanellën e klubit të ri.
Superylli argjentinas ndodhet në Paris për të kompletuar transferimin e tij te skuadra nga Ligue 1.
Ai tashmë i ka kaluar ekzaminimet mjekësore dhe është vetëm çështje procedurale derisa ta nënshkruajë kontratën afatgjate me klubin e ri.
Theksojmë që 34-vjeçarit i skadoi kontrata me Barcelonën më 30 qershor dhe nuk arriti marrëveshje me klubin ku e kaloi gjithë karrierën profesionale deri më tani që ta vazhdonte bashkëpunimin.
PSG doli me ofertë më të mirë se klubet tjera të interesuara dhe njëri nga lojtarët më të mirë në histori do ta vazhdojë karrierën në Parc des Princes.
Njëherësh, në bazë të disa fotografive që kanë rrjedhur në internet, mësohet se Messi do ta bartë fanellën me numrin 30.
