Organizata e Veteranëve të Luftës së Ushtrisë Çlirimtare të Kosovës (OVL-UÇK) ka njoftuar se qeveria shqiptare ka mundësuar kalimin pa pagesë në Rrugën e Kombit për 24 orë, nga ora 09:00 e datës 17 tetor deri më 09:00 të datës 18 tetor.
Kjo për shkak të protestës që do të mbahet më 17 tetor në Tiranë, duke filluar nga ora 17:00, në shenjë kundërshtimi ndaj, siç thuhet, padrejtësive ndaj ish-krerëve të UÇK-së që po gjykohen në Hagë.
