Sekretari i Përgjithshëm i NATO-s, Mark Rutte, sot ka qëndruar për vizitë në Kosovë, ku edhe takoi një grup të mediave vendore e ndërkombëtare, raporton Gazeta “Enigma”.
Mes tjerash në takimin me media Rutte siguroi se Shtetet e Bashkuara të Amerikës, dhe presidenti Donald Trump, mbeten të përkushtuara në KFOR dhe në NATO.
Mes tjerash, mysafiri nga Brukseli foli edhe për mundësinë e anëtarësimit të Kosovës në Aleancën Veriatlantike, dhe ujdia që akoma qëndron dhe e cila thotë se Forca e Sigurisë së Kosovës nuk mund të angazhohet në veri të vendit pa lejen paraprake të misionit paqeruajtës, pra KFOR-it, dhe komandantit të tij.
