Sekretari i Përgjithshëm i NATO-s, Mark Rutte, njoftoi se aleanca që ai drejton po punon ngushtë me Ukrainën, duke e afruar atë gjithnjë e më shumë në strukturat e saj.
Këto komente ai i bëri në një konferencë të përbashkët me presidentin ukrainas Volodymyr Zelensky, shkruan Gazeta Enigma.
Rutte theksoi se lufta në Ukrainë ka treguar se paqëndrueshmëria në Evropë mund të ketë pasoja të mëdha në mbarë botën. Ai paralajmëroi se vendet shumë të largëta, si Irani, Kina dhe Koreja e Veriut, gjithashtu mund të ndikojnë në sigurinë globale.
“Bota jonë është e lidhur ngushtë – dhe po ashtu edhe siguria jonë,” tha Rutte.
Ai e akuzoi Kinën për rolin e saj në luftën e Rusisë kundër Ukrainës dhe paralajmëroi se ndihma e Iranit dhe Koreës së Veriut për Rusinë do të kishte pasoja për sigurinë globale.
Rutte përmendi gjithashtu diskutimet mbi mbështetje për Ukrainën, mbrojtjen kibernetike, luftën kundër dezinformatave, dhe përparimin në teknologjitë e reja, përfshirë inteligjencën artificiale.
Ai theksoi rëndësinë e punës me partnerët për të adresuar sfidat e përbashkëta dhe për të mbështetur vlerat e përbashkëta./GazetaEnigma/
