Selia e PS është kthyer në skenë krimi këtë të hënë.
Ekspertët kanë mbërritur për të mbledhur provat pas shpërthimit të molotovëve nga protestuesit.
Llogo dhe një pjesë e jashtme e godinës u përfshi nga flakët pas plasjes së njëpasnjëshme të molotovëve.
Gjithashtu nga shpërthimi u rrezikua edhe jeta e gazetarëve, protestuesve dhe operatorëve.
Opozita po mban protestën kombëtare të thirrur disa ditë më parë, ndërsa protestuesit kanë marshuar në disa institucione.
Ata kanë marshuar nga selia blu drejt Kryeministrisë, selisë së PS, Ministrisë së Brendshme, bashkisë së Tiranës dhe Kuvendit, duke hedhur molotovë dhe fishekzjarre.
