Shefi i Zyrës së Bashkimit Evropian në Kosovë, Tomas Szunyog, e ka përshëndetur nënshkrimin e Deklaratës së Përbashkët të Zotimit nga institucionet e drejtësisë në Kosovë për reformë në këtë sektor.
“Mirëpres nënshkrimin e Deklaratës së Zotimi nga Ministria e Drejtësisë e Kosovës, Këshilli Gjyqësor, Këshilli Prokurorial, Gjykata Supreme dhe Kryeprokurori i Shtetit”, ka shkruar Szunyog në Twitter.
“Është kyçe që aktorët përkatës të rifillojnë bashkëpunimin në masat që do të forcojnë pavarësinë, efikasitetin dhe integritetin e gjyqësorit dhe prokurorisë”.
Ai ka vazhduar duke thënë se BE është e gatshme që të angazhohet më tej në fushën e drejtësisë.
