Gjatë mbledhjes së Këshillit të Sigurimit të Kombeve të Bashkuara për Kosovën, që mbahet dy herë në vit, Përfaqësuesja Speciale e Sekretarit të Përgjithshëm (PSSP), Caroline Ziadeh, ka informuar Këshillin mbi zhvillimet e fundit në Kosovë.
Përditësimi përfshiu mbarëvajtjen e zgjedhjeve, duke theksuar rritjen e përfaqësimit të grave në Kuvendin e Kosovës pa u mbështetur në kuotën prej 30 për qind të përcaktuar nga Ligji për Zgjedhjet e Përgjithshme.
“Pasi të formohet, është e domosdoshme që të ndërmerren hapa konkretë për t’i dhënë prioritet mirëqenies së popullit të Kosovës si dhe zbatimin e zotimeve të bëra në kuadër të Dialogut të lehtësuar nga BE-ja dhe avancimin e procesit të normalizimit të marrëdhënieve”, tha ajo.
Duke iu referuar marrëveshjes së Kosovës dhe Serbisë për Komisionin e Përbashkët për Personat e Zhdukur në dhjetor, PSSP u bëri thirrje të gjithëve që ta shfrytëzojnë plotësisht këtë Komision të Përbashkët, së bashku me Grupin ekzistues të Punës për Personat e Zhdukur “që të vazhdojnë pa vonesa të mëtejshme dhe të ndihmojnë familjet në zbardhjen e fatit të më të dashurve të tyre”.
Duke treguar marrëveshjen e Kosovës dhe Serbisë për Komisionin e Përbashkët për Personat e Zhdukur në dhjetor, PSSP-ja u bëri thirrje të gjithëve që ta shfrytëzojnë plotësisht këtë Komisioni të Përbashkët, së bashku me Grupin ekzistues të Punës për Personat e Zhdukur “të vazhdojnë pa vonesa të mëtejshme.
Duke treguar marrëveshjen e Kosovës dhe Serbisë për Komisionin e Përbashkët për Personat e Zhdukur në dhjetor, PSSP-ja u bëri thirrje të gjithëve që ta shfrytëzojnë plotësisht këtë Komisioni të Përbashkët, së bashku me Grupin ekzistues të Punës për Personat e Zhdukur “të vazhdojnë pa vonesa të mëtejshme
PSSP Ziadeh gjithashtu informoi mbi vizitën e saj më të fundit në veri të Kosovës, ku bashkëbiseduesit e shoqërisë civile dhe liderët politikë dhe të komunitetit theksuan një deficit të vazhdueshëm të besimit, veçanërisht ndaj institucioneve. “Ata shprehën shqetësimin për veprimet njëanshme të autoriteteve të Prishtinës, përfshirë mbylljen e Qendrave të Mirëqenies Sociale të menaxhuara nga Serbia dhe ndikimin e pafavorshëm socio-ekonomik. Megjithatë, ata nuk shihnin alternativë tjetër përveç Dialogut të lehtësuar nga BE dhe nevojën që serbët e Kosovës të rimarrin një lloj fuqizimi përmes një sistemi vetëmenaxhimi brenda Bashkësisë së Komunave me Shumicë Serbe,” tha ajo. “Po ashtu, riafirmoj thirrjen time për t’iu shmangur veprimeve të njëanshme dhe i bëj thirrje që çështjet e mbetura të diskutohen në mënyrë konstruktive dhe me mirëbesim brenda Dialogut të lehtësuar nga BE,” theksoi ajo.
PSSP Ziadeh mirëpriti vendimin e fundit të qeverisë së Kosovës për të lejuar që banorët me dokumente nga institucionet e drejtuara nga Serbia të regjistrojnë statusin e tyre civil tek autoritetet kosovare. Duke theksuar mangësitë në fushën dhe zbatimin e vendimit, ajo inkurajoi rritjen e angazhimit me komunitetet përkatëse dhe zgjatjen e afatit deri më 30 prill.
Duke dënuar sulmin ndaj kanalit të ujit Ibër-Lepenc më 29 nëntor, PSSP përsëriti thirrjen e saj për një hetim gjithëpërfshirës dhe transparent për t’i identifikuar dhe mbajtur përgjegjës ata që janë përgjegjës.
Mbi një vit pas sulmit terrorst në Banjskë, PSSP Ziadeh ritheksoi rëndësinë e sigurimit të përgjegjësisë përmes procedurave gjyqësore të ndershme dhe të pavarura.
PSSP-ja shprehu shqetësim të thellë në lidhje me zhvillimet që përfshijnë shkatërrimin e simboleve fetare, së fundmi kundër Kishës Ortodokse Serbe, të cilat nuk përkojnë me të drejtën e lirisë së besimit, duke paraqitur rrezikun e ngritjes së tensioneve fetare dhe ndëretnike.
Ndërtimi i mirëbesimit mbetet thelbësor për nxitjen e një të ardhmeje të qëndrueshme dhe të pasur për të gjitha komunitetet në Kosovë, PSSP i tha Këshillit, duke konfirmuar angazhimin e UNMIK-ut për të tejkaluar dallimet. “Në thelb të përpjekjeve tona për ndërtimin e mirëbesimit janë iniciativa që mbështesin sundimin e ligjit, mbrojnë të drejtat e njeriut dhe aktivisht promovojnë përfshirjen e grave dhe rinisë në proceset e paqes dhe sigurisë,” shtoi ajo.
