Kryetari i Junikut, Ruzhdi Shehu i ka bërë thirrje mërgatës që të regjistrohen për të votuar në zgjedhjet e 28 dhjetorit. Regjistrimi mund të bëhet vetëm deri më 6 dhjetor.
Ai ka thënë se këto zgjedhje mbase janë më të rëndësishmet që nga paslufta për LDK-në dhe shtetin e Kosovës.
“Bllokada institucionale, kriza financiare, sanksionet ndërkombëtare dhe shumë arsye të tjera ekzistojnë, për shkak të cilave mund të themi se këto zgjedhje ndoshta janë më të rëndësishmet që nga paslufta për LDK-në dhe shtetin e Kosovës. Prandaj sytë tanë edhe njëherë janë drejt mërgatës tonë, gjysmës së zemrës tonë, fuqisë sonë të bashkimit, zhvillimit dhe progresit shtetëror”, ka shkruar Shehu ndër të tjera.
Postimi i plotë:
Të dashur mërgimtarë,
Zëri juaj ka një rëndësi të jashtëzakonshme për të ardhmen e vendlindjes sonë. Ju gjithmonë keni qenë forcë dhe mbështetje për Kosovën, dhe tani është momenti që kjo forcë të reflektohet edhe përmes votës suaj.
Regjistrimi për të votuar nga Mërgata është i hapur, por afati është shumë i kufizuar: vetëm deri më 6 dhjetor 2025.
Ju ftoj nga zemra:
Regjistrohuni sot,
Shpërndajeni thirrjen,
Inkurajoni familjarët dhe miqtë tuaj të bëjnë të njëjtën gjë.
Secila votë nga Mërgata është një mesazh dashurie dhe përgjegjësie ndaj vendit tonë.
Mënyra e regjistrimit dhe detajet i gjeni këtu: https://diaspora.kqz-ks.org/sq/AbroadVoter
Bllokada institucionale, kriza financiare, sanksionet ndërkombëtare dhe shumë arsye të tjera ekzistojnë, për shkak të cilave mund të themi se këto zgjedhje ndoshta janë më të rëndësishmet që nga paslufta për LDK-në dhe shtetin e Kosovës. Prandaj sytë tanë edhe njëherë janë drejt mërgatës tonë, gjysmës së zemrës tonë, fuqisë sonë të bashkimit, zhvillimit dhe progresit shtetëror.
R.Sh.
