Një shpërndarës picash në Indiana të Shteteve të Bashkuara të Amerikës u cilësua si hero pasi vrapoi në një shtëpi që digjej për të shpëtuar nga flakët dy fëmijë dhe tre adoleshentë.
Nicholas Bostic, 25 vjeçar, po kalonte me makinë pranë shtëpisë në Lafayette kur vuri re flakën dhe u fut brenda për të shpëtuar fëmijët.
Katër vëllezër e motra, të moshës 1, 6, 13 dhe 18 vjeç dhe një 13-vjeçar u shpëtuan nga veprimet e tij të guximshme, sipas zyrtarëve.
Bostic thotë se nuk e kishte telefonin me vete dhe nuk mund të telefononte 911, kështu që vrapoi te dera e pasme dhe u ngjit lart përpara se të nxirrte disa nga të rinjtë.
Kur i thanë se gjashtë vjeçarja ishte ende brenda, ai u kthye në flakë dhe pavarësisht tymit të dendur e gjeti atë. Më pas ai goditi me grusht një dritare në mënyrë që ata të mund të iknin në vend të sigurt.
Bostic u shtrua në spital për shkak të tymit dhe një prerjeje të rëndë në krahun e tij, tha policia. Ai tani është liruar.
“Babai i fëmijëve tha se do të donte të më ftonte për një darkë. Ata i kanë krahët hapur duke më mirëpritur si pjesë e familjes së tyre”, tha ai për ABC7 Chicago, transmeton Klankosova.tv.
“Më vjen mirë që isha atje në kohën e duhur, në vendin e duhur. Nëse do të vinte përsëri mundësia dhe do të duhej ta bëja, do ta bëja.
“E dija se çfarë rrezikoja. E dija që sekondën tjetër mund të ishte në pyetje jeta ime. Por çdo sekondë llogaritet”, raporton The Independent, transmeton Klankosova.tv
Prindërit e fëmijëve, David dhe Tiera Barrett, kishin dalë dhe u kthyen për të gjetur automjete emergjente jashtë shtëpisë së tyre.
“Unë fjalë për fjalë i thashë atij se tani është pjesë e familjes sonë”, tha David Barrett për The Perdue Exponent.
“Pasi të vendosemi diku, do ta ftojmë atë dhe të dashurën e tij për darkë”.
Në vegzën më poshtë mund ta gjeni videon:
Here’s the video to go along with the story. pic.twitter.com/TvZ5wzCg1f
— LafayetteINPolice (@LafayetteINPD) July 15, 2022
