Shërbimi Spitalor, Klinik dhe Universitar i Kosovës ka sqaruar se kush nga stafi ka të drejtë të jap informacione lidhur me gjendjen e pacientëve.
Sipas një shkrese të siguruar nga Klan Kosova të drejtë për të dhënë informacion për familjarët e pacientëve mund të caktohet nga drejtori i klinikës apo spitalit.
“Sipas planit organizativ mund të jetë mjeku i dhomës, Shefi i Repartit, apo edhe në raste të caktuara edhe konsiliumi i mjekëve”.
Mbrëmë në Klinikën e Gjinekologjisë ka lindur një foshnje pa shenja jete.
Një infermiere dyshohet se e ka keqinformuar prindin e foshnjës në fjalë duke i thënë se foshnja e tij ka lindur “shëndosh e mirë” dhe më pas i kishte treguar se ka vdekur.
Kjo i ka ngritur dyshimet tek burri duke e lajmëruar rastin në polici me pretendimin se ia kanë ngatërruar foshnjën.
