Djali i Princit Harry, Archie, nuk do të bëhet kurrë një princ sipas planit të gjyshit të tij.
Princi Charles, i cili ka të ngjarë të jetë mbreti i ardhshëm britanik, thuhet se do të kufizojë numrin e mbretërve kryesorë, raportoi të shtunën The Daily Mail. Charles i tha djalit të tij se ai do të ndryshojë dokumentet kryesore që do t’ia pamundësojnë Archie trashëgimin e titullit.
Vogëlushi aktualisht është i shtati në rreshtin e fronit.
“Archie nuk do të jetë kurrë një Princ, edhe kur Charles të bëhet mbret”, ka thënë një burim.
Gjërat nuk kanë shkuar mirë për Harry dhe Meghan, që pas largimit të tyre nga jeta mbretërore për të jetuar në SH.B.A., thuhej në raport. Raporti mbretëror thekson se janë përkeqësuar më tej marrëdhëniet midis Harry dhe Pallatit Buckingham.
Charles dhe vëllai i tij më i ri, Princ Andrew kanë qenë gjithashtu në mosmarrëveshje rreth asaj që duhet të marrin Princeshat, Beatrice dhe Eugenie në të ardhmen.
Vajzat janë të dhjetat dhe të njëmbëdhjetat në linjën e trashëgimisë, pas lindjes së vajzës së Harry, Lilibet Diana, në fillim të këtij muaji.
