Sindikata e Policisë së Kosovës në një komunikatë për media ka deklaruar se dënon ashpër rastin e kidnapimit të tre zyrtarëve policorë, duke theksuar se zyrtarët policorë, kanë qenë në terrirtorin e Republikës së Kosovës duke kryer detyrat e tyre sipas autorizimeve ligjore dhe Kushtetuese, raporton Gazeta Enigma.
“Sindikata e Policisë së Kosovës është e shqetësuar dhe dënon ashpër rastin e kidnapimit të tre zyrtarëve policorë të Kosovës, nga policia Serbe.
Zyrtarët policrë Rifat Zeka, Beqir Sefi dhe Mustafë Shema kanë qenë në Terrirtorin e Republikës së Kosovës duke kryer detyrat e tyre sipas autorizimeve ligjore dhe Kushtetuese dhe nga një grup i organizuar i pjesëtarëve të policisë Serbe pa paralajmërim kidnapohen dhe dërgohen në drejtim të panjohur deri me tani”, thuhet në komunikatën e Sindikatës.
Sindikata e Policisë së Kosovës, tutje ka shtuar se kërkon urgjentisht që të lirohen zyrtarët policorë, sepse zyrtarët policor kanë qenë thellë brenda në territorin e Republikës së Kosovës, për të mbrojtur integritetin e vendit.
“Përderisa rendi dhe ligji po zbatohet në vendin tonë, Sindikata e Policisë së Kosovës kërkon urgjentisht që të lirohen zyrtarët policor, sepse është shkelje e çdo marrëveshje në kundër të çdo parimi të normave ndërkombëtare sepse zyrtarët policor kanë qenë thellë brenda në territorin e Republikës së Kosovës, për të mbrojtur integritetin e vendit.
Zyrtarëve policorë ju dëshirojmë që mos ju ndodh asgje e keqe, kurse kërkojmë nga të gjithë mekanizmat vendor dhe ndërkombëtar që të njëjtit zyrtar policor të lirohen sa më parë dhe të kthehen në Policinë e Kosovës”, thuhet në shkrimin e Sindikatës.
Sindikata e Policisë së Kosovës, ka theksuar mirënjohjen e tyre për Policinë e Kosovës.
“Policia e Kosovës janë krenaria e të gjithë neve prandaj ju jemi mirënjohës për punën, sakrificën, guximin dhe profesionalizmin që po e tregojnë për çdo ditë në përmbushjen e misionit të tyre”. /Gazeta Enigma
