Instituti Kombëtar i Shëndetësisë Publike të Kosovës ka dalë me njoftim të ri lidhur me situatën për ujin e pijshëm në disa zona të Kosovës.
Ndryshime ka në rajonin e Gjilanit, ku në zonën e Kamenicës, në stacionin 1 cilësia e ujit është brenda standardeve të lejuara. Në stacionin e pompit nr.2, Bahqja dhe fshati Berivojcë, uji nuk rekomandohet të pihet.
Në rajonin e Pejës, në Pejë, Deçan, Junik dhe Istog uji është brenda standerdeve të lejuara për pije.
Klinë-Rrjeti nga puset dhe rrjeti nga burimi Jarinë, si pasojë e vlerave të rritura të turbullirës, uji nuk rekomandohet për pije.
Njoftimi:
15 janar 2026
Instituti Kombëtar i Shëndetësisë Publike të Kosovës (IKSHPK), në bashkëpunim me qendrat rajonale të shëndetit publik, vazhdon monitorimin e rregullt të cilësisë së ujit të pijshëm në të gjithë territorin e Kosovës.
Bazuar në rezultatet e analizave të datës: 15.01.2026, situata mbetet e pandryshuar në rajonet: Prishtinë, Mitrovicë, Ferizaj, Prizren dhe Gjakovë.
Përjashtim bëjnë rajonet si: Gjilan dhe Pejë, për të cilat situata paraqitet si më poshtë:
Rajoni i Gjilanit
Në zonën e Kamenicës – Stacioni nr. 1 dhe Besa Center, cilësia e ujit është brenda standardeve të lejuara.
Në Stacionin e pompimit nr. 2, Bahqja dhe fshatin Berivojcë, është vërejtur rritje e vlerave të nitrateve mbi kufijtë e lejuar dhe uji në këto zona nuk rekomandohet për pije.
Rajoni i Pejës
Pejë, Deçan, Junik dhe Istog, cilësia e ujit është brenda standardeve të lejuara për pije.
Klinë-Rrjeti nga puset dhe rrjeti nga burimi Jarinë, si pasojë e vlerave të rritura të turbullirës, uji nuk rekomandohet për pije.
