Manchester United e pret sot në “Old Trafford” liderin e Premierligës, Arsenalin.
Dy ekipet që janë në formë momentalisht do t’i masin forcat sot nga ora 17:30.
Aktualisht “Djajtë e Kuq” kanë tri fitore radhazi dhe gjenden në vendin e tetë me nëntë pikë, kurse “Topçinjtë” kanë pesë fitore nga pesë ndeshje dhe i prijnë tabelës me 15 pikë gjithsej.
Disa statistika nga ndeshjet direkte mes dy ekipeve:
Manchester United ka fituar vetëm një nga tetë përballjet e fundit ndaj Arsenal – një fitore 3-2 në shtëpi sezonin e kaluar.
Fitorja e vetme e Arsenalit në 15 ndeshjet e fundit të Premier League në Old Trafford ishte një fitore 1-0 në nëntor 2020.
Topçinjtë kanë humbur 17 ndeshje në Premier League si mysafir ndaj United, më shumë se ndaj çdo kundërshtari tjetër.
Manchester United ka mbajtur vetëm një portë të paprekur në 16 takimet e fundit në Premier League ndaj Arsenal, një barazim pa gola në Emirates Stadium në janar 2021. Në shtëpi, ata kanë pranuar gol në tetë të fundit kundër Gunners që nga një fitore 1-0 në nëntor 2013.
