Ministri i Jashtëm i Spanjës, José Manuel Albares, tha se “praktikisht të gjithë ata që hynë në Ceuta tashmë janë kthyer në Marok”.
Presidenti i Ceutës, Juan Jesús Vivas, tha të premten se rreth 60 mijë migrantë kishin kaluar nga Maroku në territorin e vogël spanjoll të Ceutës gjatë 24 orëve të fundit, raporton SkyNews.
Por Ministria e Brendshme e Spanjës publikoi shifrat e saj pak pas deklaratës së Vivas, duke vlerësuar se rreth 50 mijë persona kishin kaluar nga Maroku që nga e enjtja. Ministria tha se deri të premten në mbrëmje, 48.300 prej tyre ishin kthyer tashmë në Marok, ndërsa qindra të tjerë po ktheheshin çdo orë.
Burime policore kanë thënë se shumica e 57 personave të konfirmuar të vdekur ishin të moshës nga 20 deri në 35 vjeç, dhe se mes tyre ishte të paktën një grua.
Ndërkohë, ambasadorët e Bashkimit Evropian kanë rënë dakord të takohen të hënën për të diskutuar krizën.
