Shumë qytete të Kosovës janë përballur këtë pasdite me stuhi të fuqishme, të shoqëruara me shkarkime të shumta rrufesh, të cilat kanë shkaktuar edhe dëme, raporton Gazeta Sinjali.
Se sa të fuqishme ishin erërat e stuhitë, e dëshmojnë më së miri pamjet e publikuara nga qytetarët e vendit.
Një stuhi e tillë ka goditur qytetin e Lipjanit, ku për disa momente pothuajse nuk u pa asgjë në një largësi në 50 metra.
Edhe Vushtrria u përball me stuhi të fuqishme, të shoqëruar me shi dhe erë të fortë, e cila rrëzoi një lis në magjistralen Vushtrri – Mitrovicë.
