Një rast i sulmit ka ndodhur në Suharekë, ku tre anëtarë të një familje dyshohen se kanë sulmuar fizikisht 27-vjeçarin, me të cilin vajza e tyre ishte e martuar, por më pas ishin ndarë.
Babai i vajzës bashkë me dy familjarë të tjerë ia kanë zënë pritën ish-dhëndrit dhe derisa ishte duke qëndruar në një lokal, e kanë rrahur, duke i shkaktuar lëndime trupore.
Përballë kësaj situate, 27-vjeçari ka kërkuar ndihmën e Policisë së Kosovës, ku ka dhënë deklaratën e tij lidhur me atë që ka ndodhur dhe problemin me familjen e ish bashkëshortes, njofton Sinjali.
Si rezultat i denoncimit, Policia ka ndërmarrë veprimet e nevojshme, por akoma nuk është siguruar prezenca e të dyshuarve.
Lidhur me rastin, Prokurori i Shtetit ka urdhëruar që të nisin hetimet për veprën “Lëndim i lehtë trupor”.
