Policia e Kosovës ka bërë të ditur se po heton rrethanat e vdekjes së një gruaje, e cila është gjetur të enjten në mbrëmje pa shenja jete në banesën e saj në Suharekë.
“Është gjetur pa shenja jete në banesën e saj viktima femër kosovare. Në vendin e ngjarjes kanë dalë njësitë policore si dhe emergjenca, ku mjeku kujdestar ka konstatuar vdekjen e viktimës. Sipas mjekut trupi i pajetë nuk ka shenja të dhunës, dyshohet se vdekja ishte natyrore”, thuhet në raportin e Policisë.
Me vendim të prokurorit thuhet se trupi i pajetë është dërguar në Institutin e Mjekësisë Ligjore për obduksion./GazetaEnigma/
