Katër persona janë arrestuar në Istog, pasi e kanë sulmuar patrullën e policisë.
Këta të fundit, në momentin e sulmit, ishin duke i kryer detyrat e tyre për t’i larguar automjetet që janë parkuar në vende të gabuara, shkruan Gazeta Enigma.
Sulmi ndaj zyrtarëve policorë ka ndodhur në afërsi të stacionit të autobusëve.
Të dyshuarit e kishin parkuar autobusin në vend të gabuar dhe pasi që ishin urdhëruar nga policët që ta largojnë, kishin filluar t’i sulmojnë policët.
Me këtë rast janë ndërmarrë të gjitha masat adekuate për t’i arrestuar personat e dyshuar.
Me vendim të prokurorit, ata janë dërguar në mbajtje për 48 orë.
Këtë e ka bërë të ditur zëdhënësi i policisë për rajonin e Pejës, Fadil Gashi për Gazetën Enigma.
