Ministri i Punëve të Brendshme, Xhelal Sveçla ka deklaruar se rreshteri Afrim Bunjaku është heroi më i ri i Kosovës.
Në mbledhjen komemorative për nderë të policit të vrarë, Sveçla u shpreh se dhimbja për Bunjakun duhet të kthehet në forcë “për punën në sukses dhe në ndërtim të veprës së Afrimit”.
“Me ndjenjën e dhimbjes që e kisha dhe në mëngjesin kur pranova lajmin e hidhur se kemi punuar dhe shpresuar që të mos marrim kurrë. Kësaj dhimbjeje që po ndjejmë i shtohet edhe krenaria që kishim fatin të kishim në radhët tona. Atë mëngjes si shumë herë të tjera, policët e Kosovës u nisën për të reaguar në zhbllokimin e rrugës, por Afrimi ishte aty para të gjithëve.Reklama
U nis të hapte rrugën, por u vra pabesisht. Ai dje nuk u kthye në shtëpinë tij, por u kthye në motiv për shokët që vazhduan betejën kundër terroristëve, ai u kthye në hero. Guximi i pashembullt, shërbimi që i ka bërë që 22 vjet është dhe duhet të jetë pasqyrë se si të punojmë më shumë për paqen dh sigurinë”, është shprehur.
Sipas ministrit të Brendshëm, Kosova do ta vazhdojë punën e ish-rreshterit Bunjaku “në mbrojtje të Republikës dhe në ndërtim të veprës së tij”.
