Sekretari Organizativ i AAK-së, Gazmend Syla ka thënë se kur Ramush Haradinaj ishte kryeministër, e kishte mbajtur edhe Taksën 100%, por edhe i kshte ruajtur raportet e mira me aleatët.
Përmes një reagimi në llogarinë e tij në Facebook, Syla ka thënë se kryeministrit Albin Kurti, rrobat e Ramush Haradinajt, nuk i rrijnë dot.
“Në kohën e kryeministrit Haradinaj, Kosova e mbajti taksën ndaj Serbisë, pa i prishur raportet me miqtë e aleatët ndërkombëtar”, ka shkruar Syla.
Ai ka thënë se gjatë kohës sa ishte taksa në fuqi, u bë Ushtria, statusi i Trepçës dhe pavarësia energjetike.“Gjatë kohës sa ishte taksa në fuqi, u miratuan edhe themelimi i Ushtrisë, edhe statusi i Trepçës, e gjithashtu edhe u arrit pavarësia energjetike e vendit.
Kryeministri i sotëm po mundohet ta kopjojë Ramushin, por shoku Bin nuk mund të bëhet Ramush, sepse nuk i bijnë tamam teshat e tij. Bini e ka masën S, ndërsa Ramushi veshet XXXL”, ka përfunduar Syla.
