Shefi i Grupit Parlamentar të AAK-së, Besnik Tahiri, ka thënë se kjo qeveri përmes taktizimit në dialog e zëvendësoi një populizëm opozitar me një populizëm qeveritar.
“Për më shumë se dy vjet, Kryeministri Kurti ka përdorur dialogun si formë për zhvendosjen e vëmendjes publike nga sfidat dhe problemet e brendshme. Kjo qeveri në emër të shtrirjes së sundimit të ligjit dhe sovranitetit në komunat veriore, prodhoi efektin e kundërt nga ky synim dhe proklamim, i bëri subjekt ndërkombëtar zgjedhjet lokale si dhe vet funksionimin operativ të institucionit policor”, shkroi mes tjerash Tahiri në Facebook.
