Komandanti i Forcës së Sigurisë së Kosovës, gjenerallejtënant Bashkim Jashari, ka pritur në takim lamtumirës komandantin e KFOR-it, general Enrico Barduani, të cilin e ka falënderuar për shërbimin dhe bashkëpunimin e tij.
Sipas FSK-së, gjatë takimit të dy gjeneralët kanë diskutuae për zhvillimet në FSK, trajnimet, stërvitjet, sfidat, operacionet dhe aktivitetet e tjera të Forcës së Sigurisë, si dhe për situatën aktuale të sigurisë vendore dhe rajonale.
Gjeneralët gjithashtu kanë diskutuar edhe për bashkëpunimin aktual midis FSK-së dhe KFOR-it, duke u pajtuar për nevojën e zgjerimit dhe thellimit të këtij bashkëpunimi edhe në të ardhmen.
