Burime të Albanian Post kanë zbuluar identitetin e vrasësit të Pjerin Xhuvanit, ngjarje e ndodhur në Elbasan përpara disa minutash.
Ai është Arbër Paplekaj, ish-punonjës i forcave RENEA. Autori është arrestuar nga policia pak kohë pas ngjarjes.
Sipas Albanian Post, Paplekaj ka shoqëruar më parë Sekretarin e Përgjithshëm të Partisë Demokratike, Gazment Bardhi, në Elbasan.
Mësohet se RENEA ka shkuar në vendin e ngjarjes, e cila ndodhet në lagjen “5 Maji”.
Pjerin Xhuvani ishte ish-kryetari i Lëvizjes Socialiste për Integrim.
Ai ishte akuzuar nga opozita se ishte një ndër organizatorët e përplasjes fizike mes simpatizantëve të PS-së dhe PD-së, gjatë Ditës së Verës.
