India nisi “Operacionin Sindoor” duke goditur disa zona në të gjithë Pakistanin në shenjë hakmarrjeje për sulmin e muajit të kaluar në Pahalgam në Kashmirin e administruar nga India.
India qëlloi raketa përtej kufirit në territorin e kontrolluar nga Pakistani në të paktën tre vende herët të mërkurën, duke vrarë të paktën një fëmijë dhe duke plagosur dy persona të tjerë, thanë zyrtarët pakistanezë të sigurisë, shkruan Euronews.
India tha se po godiste infrastrukturën e përdorur nga militantët.
Sulmi vjen në një kohë tensionesh të larta midis dy kombeve fqinje pas një sulmi militant në Pahalgam, në zonat e administruara nga India në rajonin e diskutueshëm të Kashmirit muajin e kaluar, duke vrarë 26 persona.
