Kanadaja dhe Kina ndërprenë përkohësisht ndeshjen e tyre në Kampionatin Botëror të Waterpolos për Femra U20 në Brazil, pasi pranë pishinës dëgjoheshin të shtëna me armë zjarri. Policia braziliane njoftoi se askush nuk u lëndua gjatë incidentit që ndodhi në Salvador.
Loja u ndërpre për rreth një minutë, ndërsa lojtarët u tërhoqën në një zonë të sigurt dhe u fshehën pasi dëgjuan të shtënat jashtë kompleksit. Në atë moment, Kina po kryesonte 3-2. Marco Antonio Lemos, president i Federatës së Sporteve Ujore të Bahia-s, tha: “Ndeshja u ndal për rreth një minutë. Ekipi ynë pa policinë që po merrej me situatën”.
Policia bëri të ditur se të shtënat ishin pasojë e një përplasjeje me një hajdut të dyshuar jashtë objektit sportiv, i cili po përpiqej të arratisej. Tifozët u informuan për incidentin vetëm pas rifillimit të ndeshjes.
Ky është edicioni i parë që Brazili pret Kampionatin Botëror të Vaterpolos për Femra U20, me 16 ekipe nga e gjithë bota.
