Policia izraelite e largoi një protestë antiqeveritare në Tel Aviv nga pjesa kryesore e trafikut në qytet duke përdorur ujë dhe duke arrestuar disa nga protestuesit.
Protestuesit vazhdojnë të kërkojnë që kryeministri Benjamin Netanyahu të japë dorëheqjen – por jo përpara se ai të nënshkruajë një marrëveshje me Hamasin për të siguruar lirimin e pengjeve.
Besohet se ka rreth 132 pengje në Gaza – por nuk është e qartë nëse disa mund të kenë vdekur në mes të luftës, shkruan Euronews.com.
Në fillim të kësaj jave, Hamasi tha se kishte pranuar një marrëveshje armëpushimi Katar-Egjiptian që do t’i jepte fund luftës dhe do të sillte lirimin me faza të disa prej pengjeve izraelitë të mbajtur në Gaza.
Izraeli e hodhi poshtë me shpejtësi marrëveshjen, duke thënë se ajo nuk përmbushte “kërkesat thelbësore” dhe disa orë më vonë dërgoi tanke për të kapur vendkalimin Rafah.
Kryeministri i Izraelit, Benjamin Netanyahu, i ka quajtur “ekstreme” kërkesat e Hamasit për tërheqje të plotë të trupave izraelite nga Gaza.
