Një rast kontestimi pronesor ka ndodhur dje në fshatin Madanaj të Gjakovës, ku një person dyshohet se ka kërcënuar një 53-vjeçar.
Burimet e Gazetës Sinjali brenda Prokurorisë kanë bërë me dije se motivi i konfliktit lidhet me një kontest pronësor në mes të të dyshuarit dhe nipit të viktimës.
Sinjali mëson se e gjithë ngjarja ka ndodhur derisa viktima po punonte tokën e nipit të tij, mirëpo puna iu ndal në gjysmë nga i dyshuari, i cili e ka kërcënuar me fjalë.
Përballë kësaj situate, 53-vjeçari ka denoncuar rastin në Polici, ku ka rrëfyer në detaje gjithë atë që ka ndodhur.
42-vjeçari është shoqëruar në stacion policor, ku është intervistuar lidhur me rastin.
Me urdhër të prokurorit, ndaj tij është iniciuar rasti ‘Kanosje’ dhe i njëjti është dërguar në mbajtje.
