Të paktën 116 njerëz kanë vdekur dhe qindra të tjerë janë plagosur pas një tërmeti që goditi Kinën veriperëndimore.
Tërmeti tronditi qarkun Jishishan në provincën Gansu të hënën vonë në mbrëmje, duke dëmtuar shtëpi dhe rrugë, shkruan CNN.
Ekipet e shpëtimit u përpoqën që të nxjerrin të mbijetuarit e bllokuar nën rrënoja, ndërsa banorët nxituan jashtë, duke u grumbulluar gjatë natës në të ftohtin e ashpër të dimrit.
Që nga mëngjesi i së martës, tërmeti ka vrarë mbi 116 njerëz dhe ka dëmtuar më shumë se 4,700 shtëpi në Gansu, thanë autoritetet provinciale në një konferencë shtypi.
Një total prej 397 personash në Gansu janë lënduar deri më tani, duke përfshirë 16 në gjendje kritike dhe 76 në gjendje të rëndë, thanë zyrtarët.
