Këtë të martë në Podujevë është therur një person i cili është dërguar për trajtim mjekësor, raporton Gazeta “Enigma”.
Lajmin për Gzetën “Enigma” e ka konfirmuar zëdhënësja e Policisë pë rajonin e Prishtinës, Flora Ahmeti, ku edhe ka njoftuar se Policia ka arrestuar personin e dyshuar.
“Sot rreth orës 15:00, kemi marrë informatën për një lëndim trupor të ndodhur në rrugën ‘Zahir Pajaziti’ në Podujevë”, ka thënë Ahmeti.
“Bazuar në të dhënat fillestare, në këtë rast nga një mjet i mprehtë dyshohet të jetë lënduar një person i cili është dërguar për trajtim mjekësor, ndërkohë që policia ka arrestuar personin e dyshuar”, deklaroi ajo.
“Në koordinim me prokurorinë policia ka nisur një hetim lidhur me rrethanat e këtij rasti”. /Gazeta Enigma/
