Një skandal i madh ka ndodhur në një ndeshje futbolli në Bosnje e Hecegovinë.
Gjyqtarët e ndeshjes mes Trasnjevka Maoca dhe Mladost Gornja Zivinice janë rrahur nga disa tifozë, madje në sytë e policisë e cila nuk reagoi fare.
Ndeshja e luajtur në kuadër të Ligës së Parë Kantonale të Kantonit Tuzla dhe tre gjyqtarët në përbërje të Agan Ramiqit, Amir Husiqit dhe Emir Babajiqit janë rrahur nga tifozët në këtë vend, raporton Avaz.
Ndeshja u luajt në Koraj, pasi Maoça ishte dënuar më parë, ndërsa KPGJP-ja sqaroi se ndeshja nuk duhej të luhej.
“Ndeshja nuk duhej të luhej, sepse nuk respektojnë vendimet e Federatës. Disa klube luajnë në të njëjtën komunë, ndërsa Maoça e ka ndryshuar këtë. Kjo ndeshje u luajt në Republikën Srpska, në fushën e klubit të Ligës së Dytë Kantonale, e cila sipas dispozitave të KKSHK-së nuk është e mundur”.
Vetë gjyqtari Agam Ramic ka telefonuar në Avaz, ku ka shpjeguar se si ka ndodhur ngjarja.
“Mysafirët kaluan në epërsi me 0:2, pati nervozizëm dhe një lojtar sulmoi ndihmësin tim. Doja ta largoja, që të mos kishte lëndime dhe më pas u bë një rrëmujë e tërë. Shishja fluturoi, dikush hyri nga publiku, dhe unë fillova të vrapoj drejt dhomës së zhveshjes ku më goditi komisioneri i sigurimit, dhe pati të shtëna, rrahje … Unë hyra brenda dhe policia nga Republika Srpska vetëm e pa gjithçka”, i tha Ramiç Avaz.
