Presidenti Donald Trump tha se e pa kapjen komplekse të presidentit të Venezuelës, Nicolás Maduro, drejtpërsëdrejti, së bashku me gjeneralët ushtarakë.
“Njerëz ushtarakë më thanë se nuk ka asnjë vend tjetër në Tokë që mund të bëjë një manovër të tillë. Nëse do ta kishit parë atë që ndodhi, dua të them, e pashë fjalë për fjalë, sikur të isha duke parë një shfaqje televizive”, tha Trump.
“Nëse do ta kishit parë, shpejtësinë, dhunën, e dini, thonë se shpejtësia, dhuna, e përdorin atë term. Është thjesht, një gjë e mahnitshme, një punë e mahnitshme që bënë këta njerëz. Askush tjetër nuk mund të kishte bërë diçka të tillë,” shtoi Trump.
“Epo, ne e pamë nga një dhomë. Kishim një dhomë, e pamë, dhe e pamë çdo aspekt të saj. Ishim të rrethuar nga shumë njerëz, përfshirë gjeneralë, dhe ata dinin gjithçka që po ndodhte. Dhe ishte shumë komplekse, jashtëzakonisht komplekse”, tha Trump.
“Në të vërtetë, ata thjesht hynë me forcë dhe hynë me forcë në vende që nuk ishin realisht të mundura, thyen dyert e çelikut që ishin vendosur atje vetëm për këtë arsye, dhe u zhdukën brenda pak sekondash. Nuk kam parë kurrë diçka të tillë”, vazhdoi Trump.
Sa i përket asaj se çfarë do të ndodhë me udhëheqjen në Venezuelë, Trump tha se për këtë “po e marrim një vendim tani”.
“Epo, po e marrim këtë vendim tani. Nuk mund të rrezikojmë ta lëmë dikë tjetër ta drejtojë dhe të marrë përsipër atë që ai e la. Pra, po e marrim këtë vendim tani. Do të jemi shumë të përfshirë në të. Dhe duam t’i japim liri popullit”, tha ai për Fox Neës.
Trump tha se venezuelianët janë shumë të lumtur me kapjen e Maduros “sepse i duan Shtetet e Bashkuara” dhe sepse vendi nën Maduron ishte “një diktaturë”.
