Komisioni Evropian ka publikuar një listë të produkteve amerikane mbi të cilat mund të merren masa kundër, pasi administrata e presidentit, Donald Trump në të mërkurën e kaluar ka vendosur tarifa globale prej 25 për qind për çelikun dhe aluminin.
Duke diskutuar kundërmasat e Bashkimit Evropian, blloku me 27 anëtarë, Trump tha se “çfarëdo që ata na tarifojnë, ne do t’i tarifojmë po njësoj”.
Ai thotë se “nëse BE vendos një tarifë prej 20 ose 200 për qind, nuk ka rëndësi, ata do të përballen me të njëjtën masë”, shkruan bbc.
“Ne jemi keqtrajtuar për një kohë të gjatë dhe nuk do të keqtrajtohemi më”, thotë lideri amerikan, duke pretenduar se BE-ja “na trajton shumë keq”.
Theksojmë se SHBA-ja i vendos edhe tarifa tregtare edhe fqinjit verior, Kanadasë, e cila gjithashtu ka marrë masa ndaj shtetit amerikan.
Ndryshe, analistët parashikojnë se shteti amerikan me këto lëvizje po shkon drejt recensionit.
