Donald Trump ka përdorur rrjetin e tij Truth Social për t’i bërë një thirrje investitorëve.
“Për investitorë të shumtë që vijnë në SHBA dhe investojnë shuma masive parash, politikat e mia nuk do të ndryshojnë kurrë”, shkroi Trump.
“Kjo është një kohë e mirë për t’u pasuruar, më të pasur se kurrë më parë”, shtoi ai.
Bëhet e ditur se komentet vijnë ndërsa tregjet globale të aksioneve bien për të dytën ditë pas planit të tij tarifor dhe masave hakmarrëse të Kinës, shkruan skynews.
Trump ka deklaruar se Kina “ka luajtur gabim” duke i kundërpërgjigjur SHBA-së me tarifa shtesë.
Bëhet e ditur se Pekini iu përgjigj tarifës prej 34% të Trump me taksën e vet me të njëjtën përqindje për importet amerikane.
Dhe masën e Kinës e komentoi Trump.
“Kina ka luajtur gabim”, tha ai.
“Ajo u panikua”, shtoi presidenti amerikan.
