Donald Trump ka sulmuar ish-Kryeprokurorin e Prokurorisë së Specializuar në Hagë, Jack Smith, i cili është emëruar këshilltar special për mbikëqyrjen e hetimit të mbajtjes së dokumenteve të klasifikuara në resortin Mar-a-Lago të ish-presidentit amerikan.
Të hënën, Trump e ka cilësuar Smithin si “prokuror radil të majtë”, i cili siç thotë ai “është i kontrolluar krejtësisht nga presidenti Obama”.
“Sondazhet flasin fort, veçanërisht pas njoftimit të së enjtes (shpalljes së kandidaturës), prandaj edhe emërimi i një Prokurori radikal të majtë, që është krejtësisht i kontrolluar nga Presidenti Obama dhe ish Prokurori Gjeneral i tij Erik Holder. Kjo s’është drejtësi, kjo është një tjetër gjueti shtrigash, dhe bile shumë e rrezikshme! Kurrqysh nuk duhet lejuar që ky mashtrim të ecë përpara!”, ka thënë Trump.
Jack Smith ka dhënë dorëheqje nga posti i kryeprokurorit të Zyrës së Prokurorit të Specializuar (Prokurorisë Speciale) në Hagë të premten.
Kryeprokurori Smith ishte i ngarkuar me hetimin dhe gjykimin e krimeve të pretenduara të luftës në Kosovë.
